我: 鴨鴨, 你主人唔要我地了, 不過你要乖, 你要堅強, 知道嗎?
鴨鴨: 呱(點解?)
我: 因為你主人好多好多人鍾意, 好多好多人追啊. 而且追佢d人都好吸引, 你主人好似好想同佢地嘗試下啊.
鴨鴨:呱呱(咁點解你唔追?)
我: 唔得了, 我宜家已經唔吸引了, 係佢心入面, 有太多比我好嘅人, 我根本就冇機會了.
鴨鴨:呱...呱呱呱!(你唔好咁啦...你要振作啊, 你要幫我追翻主人翻黎, 我好掛住佢啊!)
我: 我知道你好掛住佢, 我都好掛住佢啊, 但係我真係冇曬辦法啦, 佢唔會翻黎啦! 你唔好咁傻啦! 以後唔好再講你掛住佢!
鴨鴨: 呱呱呱呱!(你個人咁嘅!自己做唔到唔開心仲要發我脾氣!我知道點解佢走都唔要你啦!)
我: 佢都唔要你啦!
鴨鴨: 呱~~~!(我唔信~~~!)
我: 我打電話比佢, 等佢同你講清楚, 等你死心!
鴨鴨: 掛!(好!)
打電話...........
我: 喂?
你: 喂?
我: 鴨鴨話佢唔信你唔要佢了.
你: 咩話?
我: 鴨鴨話佢唔信你唔要佢了.
你:你話咩話?我聽唔到啊.
我: 我話,鴨鴨佢唔信你唔要佢.
你: 邊個話唔信咩唔要佢話?
我: 鴨鴨話唔信你唔要佢啦.
你: 邊個話?
我: 鴨鴨.
你: 哦~聽到我啊. 好啦我係出面啊, 好熱啊, 就黎要中暑了, 唔同你講了.
我:byebye
你: sorry啊,byebye.
你收左線.............
鴨鴨: ..........(崩潰左)
我: 屌...我都叫左你唔好打咖啦, 人地連你係邊個都唔記得啦, 仲話佢唔會唔要你.
鴨鴨: .........(流淚...)
我: 乖啦鴨鴨, 唔好喊, 仲有我係度, 我唔會唔要你嘅, 講過一定做到.
鴨鴨: .......(痛苦失聲)
我: 哎喲, 傻鴨囖, 唔好喊唔好喊, 以後比你瞓我隔離好唔好?同埋你主人留低個枕頭仔一齊瞓好唔好?
鴨鴨: ....(開始有翻意識)
我: 嗯,乖啦乖啦, 以後唔準再喊啦, 一齊瞓覺覺啦.
鴨鴨: ...(啜泣中)
注意: 以上對話, 除左講電話個段之外, "我"呢個角色,一直處於崩潰和哭泣狀態.