close
琴晚好掛住你, 到凌晨5點幾都仲未瞓得著.
自問已經用盡所有辦法去搵你, 打電話,發信息, msn, facebook, 就差冇搵其他人問關于你嘅野.
我從未試過咁擔心, 掛念一個人, 你係唯一一個, 亦都係最後一個.
瞓醒之後我好失落, 因為已經幾乎3日冇收到過你任何消息, 發比你嘅message亦都一條都冇覆.
不過當我用電話打比你嘅時候, 你嘅電話居然關左機, 我諗你應該係上左機.
當我一發現嘅時候,我個心好開心, 但係好快就比唔開心填滿左.
因為你講過你唔會見我, 同時其他男仔都會搵你, 而你會同佢地出去.
諗諗下, 我發覺我并唔希望你翻黎, 我寧願你留係個邊, 雖然個邊都有男仔追你, 但至少比呢邊少.
我諗我真係已經用盡左所有運氣, 雖然有遇到你, 喜歡你, 愛上你再與你相戀嘅運氣, 但冇運氣留低你.
但如果我用餘生去為你付出一切, 我會換黎D咩呢? 可以換到一句我鍾意聽嘅稱呼嗎? 可以換到你嘅愛嗎?
我願意嘗試, 只要係你, 只會為你.
全站熱搜
留言列表