eMson

當我地仲係一齊嘅時候, 你同我講過, 你覺得只有我們在親密嘅時候你先有安全感, 先覺得我全心全意咁在乎你.

但其實我無論咩時候都一樣在乎你, 注意你. 而我都一直希望我可以消除你呢一個諗法, 因為我唔想你將我講到同你一齊只爲了滿足我嘅慾望.

我有一個習慣, 就係我會好自然咁留意你每一個細節嘅變化, 如果你問翻我最近幾次見面你著嘅衫我可以好清楚咁答翻你.

我仲記得上次去BR見你, 你著住以前個對ugg, 條褲係個d好貼身嘅leggings(我唔鍾意個種), 衫係BR制服, 制服右手下側有黃色嘅污漬, 左耳係kenny&co 熊仔耳環, 左手係兩條水晶珠鏈,一大一細. 仲有你條頸有兩韃紅色嘅痕.

我同你一齊個陣, 一直就有呢種好留意好留意你嘅呢個習慣. 你黎我屋企做功課嘅時候, 我經常會係你專心做野嘅時候望住你, 觀察你每一個細節, 每一個變化.

但反而我同你親密嘅時候, 我會怕醜所以只會儘量只望住你塊面. 但係其實我平時有好留意好在乎你, 并唔係只限於某d時候, 可能因為我平時會避開你注意去留意你. 而親密時我望你,你望我,你會見到我凝視著你個樣,所以覺得我好在乎 .

我會好記得你所有用過嘅香水嘅香味, 上次去BR見你, 你個種香味我未聞過, 我唔知道係香水定係其他野, 味道比較淡, 但我都有記住. 如果你叫我分辨出邊一個牌子我未必做到, 但係如果你問你有冇用過某一隻香水, 我一定可以回答到你.

我留意你, 唔係因為我變態, 只係因為我在乎你嘅每一個變化, 我希望知道你為我改變嘅每一點, 知道我最愛嘅人每日嘅改變.

我唔知道你有冇留意到, 以前你每次坐上camry仔, 我一定會用力深呼吸一次, 因為我好期待你每日噴咩香水, 係啱啱同我一齊就用嘅anna sui定係后黎先有嘅chole呢? 我會好期待, 好興奮!

我仲好記的你要翻day care個一段時間, 因為個段時間我每次聞到我都好想笑, 因為個種味好難聞, 然後有時你會噴一d唔知道咩去蓋過佢, 但係結果係更加難聞. 然後我再笑你話你臭嘅時候, 你個樣好可愛, 好好笑.

其實只要係你嘅野,我都有用心去留意, 你間房嘅擺設, 你張床擺咩公仔, 你電腦嘅background, 等等, 我會用心留意, 然後好自然咁記住, 當下次再見到嘅時候再比較翻, 搵出變化. 我希望甘樣可以令我更加了解你, 更加明白你.

雖然宜家可能有d太遲, 但係我唔想一d誤會繼續落去, 破壞我係你心目中已經好差嘅形象.

我唔係唔留意你, 唔係唔用心去專注你, 而係我一直都好專注你, 只不過你冇見到. 大部份你見到嘅時候, 只係我面對你, 你面對我嘅時候. 但其實每當你視線離開, 我嘅視線又會翻到你身上, 甚至連嗅覺,聽覺, 所有嘅感覺, 都會專注係你身上.

因為你, 係我最想最想了解嘅人, 都係唯一一個我真正想去了解嘅人.

其實如果唔係我怕話你知道會令你覺得我變態同幼稚, 我早就同你講左呢d野了, 不過當我都想你自己發現, 我每次嘅深呼吸, 每次對你嘅凝望.

你個陣陪我翻學校坐booth, 同我一齊坐個個人問我, "做咩眼甘甘咁望著條女, 好索好靚咩?", 當時你同gabi傾緊計, 但個個人識gabi,因為gabi仲係sccc, 所以佢一定係講緊你而唔係gabi.

然後我就答佢, "個個係我老婆黎, 不過係幾索幾靚咖". 跟住佢好驚訝咁望著我, 問我係唔係講真. 其實JJ都有問過我點解日日都有得見你, 但都會望你望到唔眨眼.

因為你有時嘅變化真係太快了, 我唔可以眨眼, 我要留意住, 你每一點好美麗好美麗嘅變化.