eMson

今日去左BR搵你, 先前send左好多txt比你, 而好似平時一樣, 你冇覆我, 但因為今次發生嘅事比較嚴重, 所以去左搵你.

其實唔知道算係好彩定點, 呢幾個月每次去BR你都會係度, 基本上每次都會唔係太開心收場, 我諗係因為每次開場嘅原因都係唔開心吧.

所以你今日都講"唔係你唔想見到我, 但係我每次黎都唔會係好事". 的確, 我每次都唔會帶到快樂比你. 所以,決定今次, 係最後一次了.

今次我真係好唔捨得走, 因為我真係下定左決心唔再煩你. 呢個決心可以咁堅定, 係因為幾個原因.

第一, 因為我覺得你真係鍾意左第二個了, 而我係你心入面嘅地位係卑微到完全冇可能可以同佢比較.

第二, 你身邊嘅朋友, 好多都唔鍾意我, 我唔係怪佢地, 佢地都只係關心你, 我明白, 我好慶倖你有呢d朋友.

第三, 一直話要比d時間大家冷靜, 但一直我都冇比過, 因為我真係好怕其他人搶走你, 好怕好怕. 係廣州個陣你都見到, 你只係接佢一個電話, 我嘅心情都已經跌倒落穀底.

最後, 係因為我真係每次都比唔到開心你, 每次都反而係你令我嘅心好過D.

我走左之後入翻去, 你問我"其實你想我點姐?", 其實我當時真係冇想點, 只係想望多你一陣.

琴晚發生嘅事, 我或者唔應該講比你知, 應該瞞住你. 或者咁樣你會更加開心, 同佢一齊嘅時候更加簡單.

所以講左出口應該係我嘅私心發作, 而唔係良心吧. 我真係好唔偉大, 好令人討厭.

是是非非, 果然只會令到人無奈, 我幫唔到你, 你亦都做唔到d咩. 不過既然你咁信任佢, 我都希望佢珍惜你嘅信任, 因為呢樣野, 實在太珍貴.

我覺得, 你真係就快要同佢一齊了, 因為你對佢嘅信任同好感, 都已經超越左我第一次同你一齊嘅時候了吧.

真心希望佢係真心鍾意你,愛你. 因為今次如果佢再欺騙你, 我已經冇當初的你對我嘅信任去說服你, 去令你查證.

我唔想睇住最愛嘅人比人呃, 但自己點努力佢都唔肯信.

如果佢同你白頭到老, 我就算後悔, 都至少見到你開心.

希望佢真係一個好男仔, 希望你冇睇錯信錯.

最後我希望你明白, 你冇信錯我, 我冇呃你, 我亦都唔會咁做. 同你一齊咁耐, 我一次都未動搖過, 未諗過要搵個更加好, 未諗過要識另外一個, 從來都冇.

其他女仔嘅野, 我根本冇擺過上心, 從來都只有你一個. 瞞你, 只係知道你會唔開心, 而唔想令你唔開心. 而我的確做錯, 我唔應該瞞, 應該馬上斷絕同佢來往.

係你屋企廁所抱住你,兩個都喊曬,個次我真係驚了, 我真係知道唔可以再令你喊了, 我真係驚冇左你了. 之後我一直都有避開佢, 就算佢txt我,我都唔覆了.

然後學校個一次, 我知道我錯得好嚴重, 我竟然做錯事仲要發脾氣, 要你氹翻我, 我真係好蠢好抵死好後悔. 呢個世界上真係得你對我咁好, 我真係無論點都唔敢再令你傷心難過.

到考試個陣, 個陣時嘅你真係攰了, 個陣時你見到條msg真係嚇親, 我都好驚, 好驚冇左你, 好驚你會喊, 好驚你個心要痛, 好驚好驚...我甚至好想搵個藉口矇騙過去, 但我望住你嚇親個樣, 我真係咩大話都講唔出.

我真係好愛你, 但我知道我冇好好愛惜你, 令你受左傷, 我明白所有野都太遲, 你已經傷得太深.

我當時都有諗, 你瞞我philip嘅野, 我瞞你其他野, 等你知道我有幾唔好受. 但係呢個諗法太幼稚了, 呢種傷害大家嘅方法根本唔會令雙方好過, 只會令你受傷.

我知道你已經唔愛我, 個心已經唔係我度了, 但係如果連我都走埋, 咁一切就真係太遲了. 宜家咁樣, 至少你回頭望嘅時候, 我仲係度. 如果你肯走回來, 我會用最好的我黎愛你, 陪你製造好多好多美好回憶, 給你最想要嘅安全感, 然後一直一直陪住你, 走到最後.

所以我除左唔會講大話呃你, 唔會同你講分手, 唔會再轉身離開留低你一個之外, 我唔會同你講太遲, 我永遠都係度.