eMson

個日係學校撞到stacy, 同佢傾左幾句計.

佢話佢聽聞我地散左, 我話"係, 我都聽聞你散左". 之後就交流左下大家嘅感想.

佢同我嘅諗法好唔同, 不過好明顯, 佢地之間嘅感情比我地之間嘅淺好多. 雖然唔係一齊得耐就會深, 但佢都好認同我同你之間嘅感情比較深.

或者佢地宜家度過緊我地當時踏入大學嘅個個階段, 我地個陣都講過話要分手, 但係最後都冇分開.

>>

我可能天生比較樂觀, 唔知係缺點定優點, 但就係因為樂觀, 所以我先可以一直堅持等你.

我好樂觀咁認為, 我同你之間仲有機會.

我好樂觀咁認為, 你依然對我有感覺.

我好樂觀咁認為, 只要我等落去, 我們總會有一日再走到一齊.

但呢種樂觀, 其實都為我地之間帶黎過好多好多嘅問題. 比如好樂觀咁認為我可以感動到你, 而你會好快翻黎我身邊.

可能係我幼稚掛, 咁大個人都仲唔肯面對現實, 要沉醉係自己嘅世界裡面.

>>

個日同JJ傾計, 佢叫你祈禱一個有angela baby咁個樣嘅女仔愛上我, 然後你就可以擺脫我.

你話啦, JJ呢D咁膚淺嘅人, 點搵女朋友啊, 下下都睇外表.

不過如果有一個人追我,而佢同你外表一模一樣, 把聲都一樣, 氣味都一樣,只有性格有差別, 我諗我會考慮.

不過當然都係老婆最好, 但係老婆宜家已經唔鍾意我了.

>>

昨晚係你屋企門口等左你兩個鐘頭, 可能因為之前同edward,JJ佢地玩high左, 所以突然之間走左去搵你.

我去搵你個段時間, 佢地兩個有不斷打電話比我, 但系我冇接. 因為我只係同JJ講左一聲,我去搵emily就即刻走左, 當時其他人完全唔知道我去左邊度.

昨晚真係好凍, 我一翻到屋企入廁所就嘔, 可能吹左太耐.

最最最最激氣嘅唔係你冇出黎見我, 係我比人抄牌啊頂!!!!!!!!!咁就冇左一日人工.

其實我真係一D事都冇, 所以如果你內疚你冇見我, 就請你唔好內疚.

>>

最最最最最愛就係你啦方泳曦!