eMson

好多謝你同你屋企人, 我係廣州玩得好開心, 係我呢一世都唔會忘記嘅歡樂.

你屋企人對我真係好好, 或者佢地對所有人都咁好, 但係我真係好感激佢地, 所以做你嘅男朋友真係好幸福咖. 可惜嘅就係我已經冇咁嘅機會了.

奇跡始終都冇發生, 我對你嘅愛, 為你而做過嘅野, 到頭來依然咩都改變唔到.

我們依然係朋友, 一個我最唔願意接受嘅關係. 或者你咁樣會比較好受, 比較開心吧.

好多謝你為我嘗試, 為我走出呢一步, 你為我做嘅, 我都見到.

宜家嘅我, 不至於絕望, 但係我已經再冇以前咁有信心了. 而我翻到黎深圳同你講個一通電話, 我發覺到我嘅希望係幾咁渺茫.

我以為佢未至於咁犀利, 咁快會趕上我同你擁有嘅基礎, 去到一個同我同等嘅程度. 令你覺得, 接受我同接受佢, 個難度係基本上一樣.

所以我覺得我再同你一齊嘅機會好微好微, 我再冇信心做到你講咁, 重新吸引翻你.

你經常同我講, 要學識放低你, 要變到成熟d, 唔可以冇左你就變到咁頹廢. 但係我覺得學識點樣放低就係成熟, 我認為懂得珍惜你, 永不放棄, 先係適合我嘅成熟方法.

如果你同其他男仔一齊左, 或者我會變到好頹廢, 唔理智, 但係請你原諒個一個我吧. 我真係太愛你了.

不過你如果呢件事真係發生左, 你要記得, 我送你個首歌先係我真心所想, 而唔係個個心痛到失控嘅我所講嘅說話.

你要記得你應承我嘅所有野, 就算有一d你已經無法做到, 但係其他你一定要全部做到.

如今嘅我, 已經再冇辦法去爭取你了, 或者只能等你傷口好翻, 等你發現我嘅好, 等你發現我為你做嘅全部, 等你再次接受我嘅愛, 再次愛上我.

Lastly, I will always be here for you, waiting for you.

Unless you found someone else that you love, unless you became someone else.

I love you, Emily.