eMson

我每次call你, 同你傾計, 你都會講"我真係可以好狠咖, 但係我唔想咁狠咋!"

我知道, 我親身體驗過你嘅狠, 個種連我都未必做到嘅狠.

但係我好高興, 因為你對我一次又一次嘅心軟, 同我傾完一次又一次.

咁好嘅老婆, 邊度搵.

你把聲真係好好聽你知道嗎?聽到我缺氧,令到我失控.

好想以後每日早上可以聽到你嘅甜美"早晨", 夜晚被你嘅呼吸催眠.

一直支持緊我去付出, 等待, 犧牲嘅, 唔係d咩, 唔係其他人, 而係你嘅一切一切.

因為你, 我先可以好堅決咁落下一生都只愛你一個嘅決定.

雖然翻到黎唔可以即刻搵你, 有點失意, 但係可以同你斎傾msn, 都已經令我生醉夢死.

我願意用我好多好多嘅時間, 去換取與你相處多少少時間.

如果可以同你再愛多一次, 就算要我一個星期后死, 我都覺得好值得. 一定會即刻答應, 根本不需要考慮.

我明白到, 以前同你可以出雙入對, 係一種好奢侈嘅事情. 因為宜家連同你msn, 都已經好珍貴.

daddy同mami今日不斷叫你過黎深圳玩, 我就同佢地講"宜家我去搵佢, 都已經唔得, 仲想佢黎搵我?"

跟住daddy就話我抵死, 話我冇用.

我的確抵死, 的確冇用.

但我知道, 只要我永遠都唔放棄你, 永遠愛你, 我地一定會再一齊.

我鍾意成個心都充滿曬你嘅感覺.

吸一淡氣就有你嘅味道.

眨一下眼就見到你嘅面容.

張開雙臂就感覺到你嘅溫度.

發夢就可以同你走進教堂, 甚至乎一起到老.

而每日瞓醒打開雙眼, 就代表與你再愛嘅日子又行近左一步.

You are perfect just the way you are, and I love it.