eMson

其實琴日我有好多野都未有機會同你講.

我不斷咁提醒自己, 宜家唔係d咩生離死別,唔需要咁緊張, 令到你連收拾行李嘅時間都冇.

到左你上機之前個段時間, 我跟本就係拿住個電話, 睇住d時間, 預計你幾時過完閘, 幾時打比你.

我個心其實好不安, 因為你好少對我咁冷淡. 我做d咩你都唔感動, 冇反應. 我知道, 我傷得你深. 而你都解釋過點解你會冇反應.

但係每一次我同你講byebye嘅時候, 我都覺得我地真係會從此分開, 我寧願死都唔要呢個結果.

所以我不斷問你, 你覺得我地一齊翻嘅機會有幾大. 我知道, 你喺一個好好嘅女仔, 你同第一次一樣, 唔想比d無謂嘅希望比我. 我明白.

我好清楚我自己有幾需要你, 有幾想同你一齊. 為左你, 就算要我做再多嘅野, 我都好願意.

前日同你講電話個陣, 唔知道我有冇聽錯, 我好似停到你好順口咁講左句"byebye,老公". 個陣時我真係開心到又喊又笑.

我今日除左掛住你掛到傻左之外, 我仲回憶翻我自己以前做得唔好, 令到你冇安全咁嘅地方.

我諗如果你真係肯比多一次機會我嘅話, 我唔會比任何野令到我地再分開.

我除此之外仲做左一樣好傻嘅野...我上網查"What to do if i miss my gf". 跟住answer.com出現左, 我入去, 見到一個都算ok嘅答案.

呢個答案裡面提及到一樣野, "call her parents". 由於當時我想知道你翻到hk未, 所以我好有衝動做呢樣野.

當我拿起電話個一刻, 我就諗起Queenie個日勸我話"禍不及妻兒", 我就停左手. 因為我仲有d理智.

所以最後我派左你細佬幫我問. 由於你細佬唔乖唔沖凉, 而你媽媽要佢沖完先肯講比佢聽嘅關係,佢好大犧牲咁沖左個涼. 而我都神經緊張左15分鐘.

最後, 我得知你地仲未打電話翻屋企. 不過我check左航空公司個網,你地班機已經到左hk.

咁我諗你應該會翻到屋企先打電話. 所以我又再長氣多一次, 記得call我啊!!!!!!!!

I love you <3